गीतकार - श्रीरंग गोडबोले
संगीत - अविनाश - विश्वजीत
गायक - ह्रीशिकेश रानडे
चित्रपट - मुंबई पुणे मुंबई
==============================================================
Marathi:
कधी तू रिमझिम झरणारी बरसात
कधी तू चम चम करणारी चांदरात
कधी तू ...... कोसळत्या धारा थैमान वारा
बिजलीची नक्षी अंबरात ...
सळसळत्या लाटा भिजलेल्या वाटा
चिंब पावसाची ओली रात ....
कधी तू रिमझिम झरणारी बरसात
कधी तू चम चम करणारी चांदरात
कधी तू अंग अंग मोहरणारी
आसमंत दरवळणारी रातराणी वेड्या जंगलात
कधी तू हिरव्या चाफ्याच्या पाकळ्यात
कधी तू रिमझिम झरणारी बरसात
कधी तू ...... कोसळत्या धारा थैमान वारा
बिजलीची नक्षी अंबरात ...
सळसळत्या लाटा भिजलेल्या वाटा
चिंब पावसाची ओली रात ....
जरी तू कळले तरी ना कळणारे दिसले तरी ना दिसणारे
विरणारे मृगजळ एक क्षणात
तरी तू मिटलेल्या माझ्या पापण्यात
कधी तू रिमझिम झरणारी बरसात
कधी तू चम चम करणारी चांदरात
0 comments:
Post a Comment